ASTELEHENEKO TESTIGANTZAK ETA GERTAKIZUNAK.

1- Gomazko pilota bat etxe baten barrura sartu zen.

2- Gomazko pilota batek hamar urteko neskatoa zauritu zuen musika klasean zegoenean, pilotak itxita zegoen pertsiana zeharkatu ondoren.

3.- Artze tabernan pilota bat bota zuten eta honek bertan zegoen gizon bati saihetsezurrean eman zion. Lurrera erori zen eta kostata berreskuratu zuen arnasketa. Hau ikusita, bezero bat kalera irten zen eta guardia zibilei lasaitasuna eskatu zien barruan umeak zeudelako. Erantzuna kontrakoa izan zen, bortitzago kargatu zuten eta pilota gehiago bota, hauetako batzuk tabernan sartu ziren kristalak apurtuz eta zeudenen beldurra eta umeen negarrak eraginez.

ASTELEHENEKO TESTIGANTZAK ETA GERTAKIZUNAK.

1.-"Atzo asteartean "Guardia Zibilek" kargatu zutenean hamaika ate ireki ziguten babesteko. Eskerrak Agoitzeko biztanleei. "Herriak bizirik" leloa aurrera. Horrela bai!!"

2.- "Garabian geundela pikoloak ikusi genituen eskuburdinak jarrita zituen neska bat frontoiaren parean dagoen aparkalekura eramaten. Bertan bederatzi patrol zeuden. Neska animatzeko txaloka hasi ginen. Jarraian gauza bera egin zuten frontoiko parkean zeuden 20 edo 30 lagunek. Beti Jai-ren parean zeuden hamar pikoloak haiengana biratu ziran eta ahokoekin mehatxatu zituzten. Jendea korrika irten zen haiei oihukatuz eta berdeak kargatu egin zuten. Orduan harrika hasi ziren."

3.- "Poliziak ez zigun uzten ez elkartu ez ia herrian zehar paseatzen eta galduta genbiltzan. Jendea frontoiaren parean dagoen parkean biltzen hasi zen eta manifestazio saiakerarik egin gabe, poliziak gomazko pilotak botatzeari ekin zion. Jendeak ospa egin zuen, baina poliziek, herria hartuta zutelarik eta, ez dakit nola, taldetxoak norantza zihoazenez oso ondo informatuta zeudelarik, jendea inguratzen zuten. Bi orduz katu eta saguaren jolasean ibili ginen. Poliziak herria hartuta zuen, biztanleak beldurtuta kaleetan zehar korrika ari ziren etxeetan babesteko. Eskertu behar diet izkutatzeko etxeak eskaini zituztelako eta baita ere polizien jardunaren berri ematen zutelako. Bukatzeko, poliziaren (guardia zibila) okupazio bortitza salatu Agoizko herrian eta oldarra eragozteko modu paketsuan manifestazioa disolbatzea erabaki ondoren lasai ederrean deskantsatzen ari zen jendearen kontra."

4.- Kaleska batean ikara egoerak bizi izan ziren. Batzuk hesi batera igo ziren, baina polizia jazarpenagatik bi lagun batera igotzen ari zirelarik ezin izan zuten hanka luzatu eta buruz behera bota ziren hesiaren beste aldera. Beraien atzetik zihoan neska bat gauza bera egiten saiatu zen, bainan lortu baino lehen harrapatu eta eraman zuten. Lekukoek diotenaren arabera, neska garrasika eraman zuten.

5.- Koarteletik gertu, etxebizitza bloke baten ondoan 14 urteko mutiko bat atxilotu zuen guardia zibilak, honek negarren artean uzteko eskatzen zien bitartean. Balkoitik amak bere semea zela eta askatzeko esan zien. Bakarrik orduan askatu zuten.

6.- Hiru lagun atxilotu zituzten koartelaren ondoan. Koarteleraino eskuburdinekin oinez eraman zituzten. Koarteleko ertz batean eskuburdinik gabe zeramaten bat.
7.- Pertsona talde bat, 15 inguru, pikoloen artean ibiltzen ikusi zuten. Zalantzak zeuden ea atxilotuak izan ziren edo ez.

8.- Beldurgarrizko oldarrak ikusi ziren eta jendea noranahi korriketan, erabat izututa. Jendea korri egiten zuen eta galsoroan desagertzen ziren. Guardia zibila beraien atzetik egiten zuen.

9.- Mutil batek hesi baten punta sartu zuen ipurdian.

10. Andra bati gomazko pilota bat pasa zitzaion buru gainetik.

11.- (Kazetaria) Hiru emakumeak Epaitegiko banderen hagetara kateatuta zeudenean, guardia zibil batek keinu lizunak egiten zien. Zenbait pertsonek hau egiaztatu dute, beraien artean emakumeak. Pikolo batzuk oso urduri zeuden, bai agintari, bai agintepekoen artean. Beste batzuen artean, ordea, lasaitasun gehiago sumatzen zen. Batzuk bazekiten neurriz jokatzen, beste batzuk ez. Herritar batzuk harriak ea zergaitik botatzen ari ziren, automobilak apurtu behar zituzten eta. Atxiloketa bat ikusi zuen Artzeren kontrako oldarrean. Diotenaren arabera, egun horretan, jendea banatu aurrerik, pikoloak erromatarrak bezela egiten zutela aurrera, porrekin ezkutuaren kontra joz.