<IMG> 3. Komunikatua
 
<IMG> Eguerdiko ordubatak aldera 60 lagun Aoitzeko epaitegian sartu dira herriko epaile titularra agertzeko eskatuz.
 
<IMG> Arratsaldeko ordu bitan “Toarena” herriko etxea, une horretara arte bizilagunak zituena, txikitu egin dute.
<IMG> Erresistentzian dauden lagunei ura eta janaria kendu diete.
<IMG> Itoitzeko auzokide bat herriko dorretxean igota zegoen eta kanporatua eta atxilotua izan da. Une honetan etxe hau txikitzen ari dira.
<IMG> Bota gabe jarraitzen duten bi etxe bakarren ondoan dauden eraikinak bota egin dituzte. Bi etxe hauetan lagunak erresistentzian jarraitzen dute.
<IMG> Bitartekariei, laguntza taldeari eta kazetariei ez diete herrian sartzen uzten. Egunean zehar tentsio haundiko unean bizi izan dira poliziarekin.
 
<IMG> Arratsaldeko 5.30etan 21 lagun zeuden atxilotu, horietariko batzuk hormara kateatuta zeuden burdinezko tutuarekin eraman dituzte. Ordu honetan bertan, Guardia Zibilak Itoitzeko bidegurutzean zegoen talde kopurutxua, bitartekariak, laguntza taldea, kazetariak, eta abarretaz osatuta, kanporatu du, ziurtasun neurriak argudiatuta, langileak hurbilean dagoen dorretxea txikitzen ari zirelako. Bakarrik bitartekariei utzi diete bertan gelditzen.
 
<IMG> PREMIAZKO DEIA EGITEN DUGU GAUR BERTAN ARRATSALDEKO 8etan AOITZEKO UDALETXETIK IRTENGO DEN MANIFESTAZIORA ETORTZEKO
 
<IMG> Manifestazio honekin herritarren kanporaketan eta herriaren txikizioan erabili den indarkeria salatu nahi dugu. Modu hauek Nafarroa eta estatu espainolaren gobernuen inposaketa eta prepotentziaren jarraipena besterik ez dira, 15 urtez guztiontzat ezaguna den eta juztifikaziorik gabeko Itoitz- Nafarroako ubidea proiektu irrazionalaren jarraipena.
Duintasun osoz Iratí bizirik
<IMG>
<IMG> Informazio ematen jarraituko dugu
KONTUZ!
 
<IMG> ITOIZKO HERRIA HUSTU ETA ERAITSI NAHI DUTEN ARDURADUNEI
 
BUNKERRA
 
Esparru hau modu hermetikoan dago itxita; oso txikia da eta bat egiten du eraikinarekin.
 
Barruan dauden lagunak ezin dira beren kabuz atera: horman sartuta dagoen tutu baten barruan dute besoa, kateaturik, eta oina ere kateatuta daukate.
 
Bunkerraren paretak eta barnealdea erregaiz beteta daude; itxita daudenak ateratzen saiatuz gero, erregaiak su hartu eta gas toxikoak eragingo lituzke denbora luzez; horrek itxialdian dauden ekintzaileen bapateko heriotza eragin lezake.
 
Bunkerra mugitzen edo tokiz aldatzen saiatuz gero, itxialdian dauden ekintzaileen besoak eta hankak hautsi egingo lirateke.
 
Eraikinaren parte hori eraitsiz gero, bunkerrean dauden pertsonek eta inguruko tutuetan kateaturik daudenek lesio larriak pairatuko lituzkete.
 
HORRENBESTEZ
 
Erabat errefusatzen ditugu bunkerrean itxita edo kateatuta dauden pertsonak edozein modutan ateratzeko ahaleginak, ondorioak tragikoak izango liratekeelako.
 
Ezbeharren bat gertatuz gero, honako hauek egingo ditugu erantzule:
 
·Reta jauna eta Alvaro Miranda jauna, Nafarroako Gobernuaren lege-ordezkariak diren aldetik.
·Nafarroako Gobernua bere osotasunean.
·Espainiako Gobernua.
·Behar zutenean obrak gelditu ez zituzten epaileak.
·Itoitzen hustuketan eta eraispenean parte hartzen ari diren indar polizial eta militarrak.
·Txikizioan laguntzen ari diren enpresa, langile eta gainerakoak.
 
ITOITZ BIZIRIK
AMALURRA DEFENDA DEZAGUN
 
Itoizko Soldiarioak