Pagina Principal de Irola Irratia

Foros de Irola Irratia 107.5 FM
Estos foros son de publicacion libre. Los mensajes considerados ofensivos o con publicidad comercial seran borrados sin avisar. Se respetuos@ y disfruta.
 
 F.A.Q.F.A.Q.   BuscarBuscar   Lista de MiembrosLista de Miembros   Grupos de UsuariosGrupos de Usuarios   RegístreseRegístrese 

Tas - Tas Irratia dejara de emitir en verano tras 21 años.

 
Publicar Nuevo Tema   Responder al Tema    Índice de Foros de Irola Irratia 107.5 FM -> Noticias
Ver tema anterior :: Ver siguiente tema  
Autor Mensaje
irola
Site Admin


Registrado: 16 Mar 2009
Mensajes: 2077

MensajePublicado: Mar Abr 23, 2013 4:34 pm    Título del mensaje: Tas - Tas Irratia dejara de emitir en verano tras 21 años. Responder citando

ARGIA:

Bilboaldean 21 urte emititzen daramatzan Tas-Tas irrati libre eta komunitarioak itxi egingo ditu ateak. Udara arte lanean jarraituko duten arren, irailetik aurrera jarduna eten egingo dutela adierazi digu Mikel Estarrona irratiko kideak: "Atzean dauden arrazoiak ondo azaltzea oso konplexua da", dio, baina azalpen laburra ematen duen komunikatua atera dute, bazkideei zuzendua.

Komunikatuaren arabera, "Tas-Tas Irrati Librearen 21 urte luzeko bizitzan bidalitako mezurik triste eta mingarriena hauxe izango da, ziur aski. Datozen hilabeteetan gure irrati librea ez da berriz airean egongo eta Elkartea ere desagertu egingo da; hauxe baita, pasa den 2013ko martxoak 24ean eginiko Ezohiko Batzarrean hartu zen erabakia". Gaineratzen dutenez, "gauden egoeran ezin dugu gure helburuak garatzen jarraitu ezta daukaguna mantendu ere. Horregatik proiektua amaitzea erabaki dugu. Dena den, Tas-Tas izeneko elkarte- eta irrati-saiakuntza honetan parte hartu dugun ehunka lagunok pozik egon behar dugu 21 urte baino gehiago etengabe, kosta ahala kosta, lizentziarik gabe, eta herri-mugimenduko beheraldietan uhinei eutsi egiteaz gain, gure irratia geurean eta nazioartean ere ezaguna izateagatik eta gaur egun, irrati libreen eta Euskal Herriko elkarte-mugimenduaren historian bere lekua duelako".

Udan emango diote amaiera proiektuari: "Denboraldia amaitu arte programen emisioa mantenduko duzuelakoan gaude. Aste Nagusian Zaratas konpartsa eta txosna berriro elkar ikusteko, agurraren festa egiteko eta, nola ez! azken balantze ekonomikoa ondo ixteko topagunea izango dira".

Mikel Estarronari ARGIArako egindako elkarrizketan, irrati komunitarioen beharra azpimarratu zuen: "Irratiak duen zerbitzu eta funtzio publikoaz ari bagara, irrati komertzialen helburu nagusia negozioa egitea da, errentagarritasuna; irrati publikoen xedea bai izan beharko luke zerbitzu publikoa, baina ikusten dugu une bakoitzean boterean dagoenaren interesen menpe daudela; eta hortaz, misio hori bete dezakeen sektorea komunitarioa da: ez du irabazi asmorik eta herritarren parte-hartze askea sustatzen du, komunikazioa eskubide unibertsala delako eta herritarra ez delako hartzaile edo kontsumitzaile hutsa".

Diala erregularizatu beharraz ere mintzatu zitzaigun: "Nire ustez, diala bere kabuz erregularizatu dadin utziko dute, eta hori arazoa da, oihanaren lege bilakatuko baita: indartsuenak biziraungo du eta ahulena desagertu egingo da. Denak ez gara sartzen, Bilboaldean esaterako saturatuta dago diala, batzuek besteak oztopatzen dituzte, eta azkenean indartsuenak ahulena zapalduko du, potentzia handiagoko frekuentzia jarriz adibidez".
_________________
Irola Irratia 107.5 FM
Adierazpen Askatasuna!!!
Volver arriba
Ver perfil del usuario Enviar mensaje privado
irola
Site Admin


Registrado: 16 Mar 2009
Mensajes: 2077

MensajePublicado: Mar Abr 23, 2013 4:37 pm    Título del mensaje: Entrevista en Argia. Responder citando

"Diala pribatizatzen ari dira, herritarren parte-hartzea ukatzen"
EAErako irrati frekuentzien banaketa 1986an egin zuen azkenekoz Eusko Jaurlaritzak. Berriki, dekretu polemiko baten bidez, hauteskundeen aurreko astean 34 lizentzia banatu ditu. Besteak beste, Onda Vascak 30 eskaeratik bakarra lortu du eta kanpoan geratu dira Ttan Ttakun, Gara Irratia, Bilbo Hiria eta Hala Bediren proiektu elebiduna. Baita Tas-Tas ere. Bilboaldean hogei urte emititzen daramatzan irrati libre eta komunitarioko kide Mikel Estarronarekin mintzatu gara.


Nola baloratzen duzue Tas-Tas frekuentzia lizentzien banaketatik kanpo utzi izana?


Balorazio Mahaiak hautatu dituen irratiei jakinarazi egin die aukeratuak izan direla, behar den dokumentazioa prestatu dezaten, eta gero Gobernu Kontseiluak onartu behar du frekuentzien esleipena. Beraz, oraindik erabakia ez da ofiziala, baina behin betikotzat eman daiteke eta kanpoan geratu garela garbi daukagu, ez baitigute ezer komunikatu. Balorazioa ezkorra da, dialean egoteko eskubidea irabazia daukagula uste dugulako, diala espazio publikoa eta mugatua izanik ahalik eta pluraltasun eta aniztasun handienarekin banatu behar delako, formatu, gestio eta eredutan, baina ez da hala egin: alegia, hiru sektore nagusi daude, publikoa, zeinak baduen bere espazioa eta ez den lehiaketara aurkezten; komertziala, zeinari orain arteko lehiaketetan banatu diren lizentzien %100a eman zaion; eta komunitarioa, lizentzien %0arekin. Beraz, logikoena izango litzateke dialean ez dagoena lehenestea lehiaketa honetan, irrati komunitarioak garenak, eta tokikoak, baina ez da kontuan hartu ez komunitario izatea, ez tokikoa izatea.


Hain zuzen, egoitza nagusia Madrilen duten irrati-kateek lortu dute lizentzia gehien (SER kateak adibidez), irrati elebidunen kasuan.


Bai, betiko eskemari heldu diote, zegoen eredua bultzatzen jarraitzen dute: gaztelaniaz eta Madriletik egiten diren irrati-kate komertzialek dute gaur egun lizentzien %85-90. Errealitate sozialarekin eta herri honek dituen beharrekin zerikusirik ez duen irrati-mapari eusten dio azken erabakiak.


Lizentzien banaketa honek zenbaterainoko eragina du? Datozen urteetarako irrati-mapa finkatuko du ala atzera bueltarik izan dezake?

Hala da, dena korrika eta presaka egin da eta zer pentsatua ematen du. Aurreko gobernuak 2006an atera zituen frekuentziak lehiaketara, dekretua prestatzeari ekin zion baina ez zuen denborarik izan, gobernu honek ez du ezer egin bukaera arte, iaz dekretu proposamena aurkeztu eta onartu, eta aurten deitu dute lehiaketara, proiektuak aurkezteko hilabeteko epea emanez. Eta orain, dena ebatzi nahi da. Oso azkar joan da guztia, ez dutelako utzi nahi erabakia hurrengo gobernuaren esku. Areago, diozun gisan, entzungor egin diote Eusko Jaurlaritzaren beraren zerbitzu juridikoek prestatutako txostenari, txostenaren arabera oinarriak gaizki daudelako eta aurrera ez jarraitzeko aholkatzen duelako.


Arrosa irrati libreen sareko hainbat hedabidek lizentzia banaketen dekretuko irizpideak kritikatu dituzue. Lehenik, euskara hutsezko irratientzat lizentzia gutxi banatu direla salatu duzue (34 frekuentziatik 11).


Egun EAEn dauden irrati lizentzien %80-90 gaztelaniaz bada, logikoki frekuentziak banatzeko aukera berri honek hori orekatzera jo beharko luke eta gutxienez lizentzien erdia euskara hutsezko irratientzat izan beharko luke. Horrez gain, dekretuak ez du gogoan izan errealitate soziolinguistikoa, zonalde bakoitzean banatzeko zeuden frekuentzia kopuruaren arabera hartu du erabakia, eta adibidez, Beasainen frekuentzia lizentzia bakarra zegoenez, ez da gorde lizentziarik euskara hutsezko irratientzat, zonaldean nagusiki euskaraz hitz egiten den arren.


Irrati elebidunen kasuan, apenas hartu den aintzat euskaraz egitea.

Hala da, gehienez 200 puntutik 10 lor zitezkeen arlo honetan eta guk 10ak ditugu, gure proiektua %60 euskaraz delako eta %40 gaztelaniaz. Baina euskara gutxi baloratzeaz gain, handia da dekretuak agerian uzten duen desproportzioa: hots, Madriletik egiten den irrati-kateak, kasik nahikoa du tokiko deskonexioetan “egun on” eta “agur” esan eta gainerakoa gaztelaniaz emititzearekin, gutxieneko eskakizuna betetzeko, programazioaren %5 euskaraz izatea. Horrekin jada, 5 puntu lortzen ditu irratiak, eta euskaraz %90 egiten duenak berriz, 10 puntu. Kanpoko irratiak saritzen ditu neurri honek. Beste horrenbeste programazioarekin: tokiko programazioa izatea oso gutxi baloratu da eta ondorioz arlo horretan ere apenas dagoen alderik bertako informazioaz ari den bertako irratiaren eta kanpokoaren artean.


Irrati komunitarioa izateak ere ez du puntuatu. Zergatik hartu beharko litzateke kontuan?


Hasteko, komunikazioan hiru sektore baldin badaude, publikoa, komertziala eta komunitarioa, nazioartean aintzat hartuak, hirurek lekua izan beharko lukete. Baina gainera, irratiak duen zerbitzu eta funtzio publikoaz ari bagara, irrati komertzialen helburu nagusia negozioa egitea da, errentagarritasuna; irrati publikoen xedea bai izan beharko luke zerbitzu publikoa, baina ikusten dugu une bakoitzean boterean dagoenaren interesen menpe daudela; eta hortaz, misio hori bete dezakeen sektorea komunitarioa da: ez du irabazi asmorik eta herritarren parte-hartze askea sustatzen du, komunikazioa eskubide unibertsala delako eta herritarra ez delako hartzaile edo kontsumitzaile hutsa. Kontrara, horrelako erabakiekin diala pribatizatzen ari dira, espazio publikoan herritarren parte-hartzea ukatzen.


Horrez gain, irratiaren esperientzia, zonalde jakin batean urtetan egindako lana ez du baloratu dekretuak.


Aurkeztutako proiektu guztiak zerotik aurkeztu ditugu, baina denetik dago, batzuek 20 urte daramatzagu, beste batzuek 10, 30… eta badira azken orduan gaizki eta presaka iritsi direnak, dialari inongo aniztasunik eta ekarpen aberatsik egin gabe.


Kexatu zarete berme ekonomiko handiak eskatu dituztela epe motzean, baliabide gehiago dituzten korporazio handien mesedetan.

Adibide batekin azalduko dizut: Bilbon sei frekuentzia banatu dituzte, 8.000 watioko bi eta 4.000 watioko lau; irrati batek 4.000kora aurkeztu nahi badu, logikoena litzateke proiektu bat aurkeztea lau frekuentzia horietakoren bat eskuratzeko, baina ez, frekuentzia bakoitzarentzat proiektu bana (proiektu bera) aurkeztera derrigortu gaituzte eta hortaz, diru asko jarri behar izan dugu. Guk hamar frekuentzietarako aurkeztu genuen gure burua, Bilboko seiak eta Getxoko lau, eta horrek 64.000 euroko bermea eskatu digu. Guretzat ikaragarria da hori, urteko aurrekontua ia, baina SER bezalako kate batentzat huskeria da. Berme ekonomiko basati horien erruz, irrati txiki askok ezin izan dute beren burua aurkeztu eta proiektu ugari kanpoan geratu dira. Guk jendearen babesari esker lortu dugu dirua, deialdia egin genuen jendeari dirua uzteko eskatuz eta erantzun itzela izan dugu. Izugarria izan da ikustea jendeak gugan konfiantza duela eta krisi garaiotan dirua uzteko prest dagoela. Hori irabazi dugu, gizarteak irrati hau nahi duela ikusteak ematen digulako aurrera jarraitzeko indarra eta zilegitasuna, lizentziatik harago.


Dialaren egungo panoramaren aurrean, zein da soluzioa?


Herriak dituen komunikazio beharretan oinarritutako azterketa egin beharko litzaioke dialari. Ikus-entzunezko Komunikazioaren Euskal Legea botatzen dugu faltan, orain arte dekretua baino ez delako egin eta lege batek herritarren parte-hartzea eta eztabaida ekar lezake, gutxienez legebiltzarreko alderdi politikoena, dekretua zuzenean gobernuak berak onartzen baitu.


Eta hemendik aurrera zer? Helegitea aurkeztuko duzue? Lizentziarik gabe lanean jarraitzeagatik ondorio legalak jasan ditzakezue?


Guk, ziurrenik, eta behin betiko erabakiak ikusten ditugunean, aztertzen dugunean zergatik aukeratu dituzten batzuk eta zergatik ez bestetzuok, helegitea aurkeztuko dugu. Argi daukagu ez garela konformatuko eta ahal dugun guztia egingo dugula egokia ikusten ez dugun lehiaketa hori bertan behera uzteko. Bestalde, lizentziarik gabe emititzea arau-hauste administratiboa da eta Damoklesen ezpata izango dugu gainean, baina orain arte ez bada diala erregularizatu, ez dut uste orain egingo denik, are gutxiago gobernu aldaketa dagoenean. Nire ustez, diala bere kabuz erregularizatu dadin utziko dute, eta hori arazoa da, oihanaren lege bilakatuko baita: indartsuenak biziraungo du eta ahulena desagertu egingo da. Denak ez gara sartzen, Bilboaldean esaterako saturatuta dago diala, batzuek besteak oztopatzen dituzte, eta azkenean indartsuenak ahulena zapalduko du, potentzia handiagoko frekuentzia jarriz adibidez. Baliabide ekonomiko handirik ez, baina beste indargune batzuk ditugula erakutsi beharko dugu txikiok, babes soziala esaterako.


Tira, gauzak betiko direla esatea asko esatea da, baina frekuentziak gobernu legal batek banatzen baditu, hasiera batean behintzat horrek ez luke atzera martxarik, salbu eta helegiteak aurkezten badira egoera aldatzeko, adibidez lehiaketa baliogabetzeko. Aukera hori ez da baztertu behar, gauden egoeran helegiteak Jaurlaritza berriak ebatziko lituzkeelako, eta Jaurlaritza berria agian ez dago ados lizentziak banatzeko jarraitu den prozesuarekin. Baina baliorik gabe uzten ez bada, ondorengo urteetarako panorama definituko luke, hamabost urterako epearekin banatzen dira lizentziak –automatikoki luza daitezkeenak, kontrakorik ezean– eta ez dago aurreikusita frekuentzia planifikazio berririk. Bestalde, hauteskunde ataritan jardunean ari den gobernuak ez dakit zein neurritan izan dezakeen zilegitasuna horrelako erabakia hartzeko. Legalki beharbada izango du gaitasuna, baina etikoki ez da egokia 2006an abiatu zen lehiaketa hau korrika eta presaka ebaztea eta bortxatzea, agintea galdu behar dutelako.


Horrez gain, ez da aintzat hartu Kultura Sailak berak eskatuta joan den otsailean egindako txosten juridikoa, dekretuak juridikoki akats eta hutsune ugari zituela azaleratzen zuena.
_________________
Irola Irratia 107.5 FM
Adierazpen Askatasuna!!!
Volver arriba
Ver perfil del usuario Enviar mensaje privado
irola
Site Admin


Registrado: 16 Mar 2009
Mensajes: 2077

MensajePublicado: Mar Abr 23, 2013 4:38 pm    Título del mensaje: Entrevista en Gara. Responder citando

«Helburuak aurrera atera ezin ditugulako itxiko dugu irratia»
Bilboaldeko irrati entzuleak umezurtz geldituko dira udan: Tas-Tas irrati libreak emititzeari utziko dio denboraldia amaitzean.






Tas-Tas irratiaren hastapenetatik dabil buru-belarri lanean irrati librean Mikel Estarrona (Bilbo, 1957). Denboraldia amaitzean, uztail bukaeran, ez da gehiago entzungo Tas-Tas Bilboaldeko irrati komunitarioa. 21 urteko jardunarekin amaituko dute, urte horietan guztietan egindako lanaz harro: ahotsa ez dutenei eman.

Zergatik itxiko duzue Tas-Tas irratia?

Zaila da erantzutea. Laburbilduz, gure helburuak aurrera atera ezin ditugulako itxiko dugu irratia. Gainera, ezinezkoa egiten zaigu gauden tokian mantentzea. Hastapenetatik egon gara amildegiaren ertzean, gizarte mugimendu askoren antzera, eta desorekarik txikienak hondarrezko gaztelua desegitea dakar.

Zuen artean desadostasunak izan al dituzue?

Bakoitzak bere aldetik, eta asmo onenarekin, aurrera ateratzeko modua aurkitzen du. Bi irrati eredu planteatu ziren, nahiz eta askok esan eredu berbera zela. Alde batetik, mugimendu sozialak oinarrian harturik kalitatezko irratia egiten saiatzen ginen, gizartean eragiteko helburuarekin. Beste edozein irrati komertzialekin lehiatzea genuen xede. Konplikatua da, soldatapeko langileak eta finantzaketa iturri egonkorrak behar-beharrezkoak baitira. Garai honetan zaila da, militantzia, guk ezagutu dugun bezala, gainbeheran dagoelako. Bidea oso zaila zen. Beste alde batetik, sektore batek atzera egin nahi zuen irratia egonkortzeko xedez. Soldatapeko langileak eta beste gauza batzuk bazterrean utzi nahi zituzten. Hor desadostasun bat egon zen, eta nahiko ahulduak geratu gara aurrera jarraitzeko.

Oso zaila izango zen ixteko erabakia hartzea.

Nahiago izan dugu orain ixtea, duintasun osoz eta egoera onean. Gure konpromisoekin eta zor guztiekin beteko dugu, eta era ordenatu batean itxiko dugu. Ez dugu nahi planteatu 'ai ze pena, irratia erori zaigu' bezala. Baizik eta 'a ze zortea eduki dugun horrelako irrati bat 21 urtez mantentzea'.

Alderdi ekonomikoak zerikusia izan al du?

Alderdi ekonomikoa beti izan da konplikatua, baina ez da izan, nire ustez, garrantzitsuena. Antolakuntza, funtzionamendua, eta lan gaitasuna mugatuak genituen.

Helburuak aurrera ateratzea ezinezkoa zaizuela aipatu duzu. Zeintzuk dira helburu horiek?

Gizartean eragitea nahi dugu, agenda publikoan gaiak jartzeko ahalmena izatea. Komunikazio alorretik, gizartean gure harri koxkorra jartzea. Entzule kopuru handiak lortu, eta gainontzeko hedabideekin lehiatzea nahi genuen. Urrun geunden oraindik, baina bide horretan aurrerapausoak ematen ari ginen. Sarbiderako eskubidea zen gure helburuetako bat, maila guztietan. Eragile sozial batek agian ezin du saio bat sortu, baina, zerbait komunikatzeko beharra badu, egitura eta komunikazio proiektu komun bat behar dugu.

Nola hartu duzue erabakia hastapenetatik irratian zaudetenak?

Hasieratik daramat hemen, eta orain horrela bukatzea inoiz pasa zaidan gauzarik tristeena da. Niretzat, bizitzeko era bat zen, niretzat eta beste askorentzat. Baina alderdi baikorrari begiratu behar zaio. Gauza onak egitea lortu dugu, nahiz eta gauza asko kontra eduki. Gizarteak egindako lana aitortu digu, bai Euskal Herrian, bai kanpoan. Merezi duen zerbait sortu dugu, eta hor egongo da norbaitek etorkizunean lekukoa hartu nahi badu.

Nola sortu zenuten Tas-Tas irratia?

1980ko hamarkadan irrati asko sortu ziren Bilbo inguruetan. Hamarkada bukaeran desagertuz joan ziren, eta horietako irrati batzuk elkartu, eta irrati libre bat egitea eztabaidatu genuen, kalitate handikoa eta gizartean eragina izango zuena.

Zergatik dira beharrezkoak gizartean irrati libreak?

Komunikazioa oinarrizko eskubidea da. Sektore pribatuak gehienbat etekina ateratzea du xede. Sektore publikoak, nahiz eta gizartearen mesedetan lan egin behar lukeen, alderdien menpe daude. Hirugarren sektorea da, zuzenean gizartetik sortzen dena, gizartea beraren komunikazio beharrak hoberen asetzen dituena; gainontzeko interesetatik at daude.
_________________
Irola Irratia 107.5 FM
Adierazpen Askatasuna!!!
Volver arriba
Ver perfil del usuario Enviar mensaje privado
Mostrar mensajes anteriores:   
Publicar Nuevo Tema   Responder al Tema    Índice de Foros de Irola Irratia 107.5 FM -> Noticias Todas las horas están en GMT + 1 Hora
Página 1 de 1

 
Saltar a:  
No puede crear mensajes
Puede responder temas
No puede editar sus mensajes
No puede borrar sus mensajes
No puede votar en encuestas


Powered by phpBB © 2001, 2005 phpBB Group