BERRIA

Frantziako Gobernuak Baiona-Hendaia arteko AHTaren zatiko azterketa bertan behera uzteko erabakiaren alde agertu ziren atzo ehundik gora lagun, AHT Gelditu! Elkarlanak deituta Itsasondotik Ordiziara (Gipuzkoa) egindako manifestazioan. Hala, bide bera jarraitzeko eskatu zieten Hego Euskal Herriko nahiz Espainiako agintariei, eta AHTa geratzeko. Haien aburuz, Frantziako Gobernuaren erabakiak «hutsean» uzten du proiektua, eta ez duela zentzurik erakutsi du. Herri mailako eztabaida sakon baten beharra aldarrikatu zuten manifestazioan.