erantzun iruzkin honi

Pagoak ala porlana

Astelehen gauaz geroztik hiru pagotara igota daude AHTaren aurkako hainbat ekintzaile Itsasondon. Gaur arratsaldean manifestazioa izango da Ordiziatik ekintzaileak dauden lekura.

Mikel Peruarena. Itsasondo

Gogotsu, eta pagoetatik jaisteko asmorik gabe jarraitzen dute. 120 urtez, leku berean, lurrari lotuta egon diren hiru pagotara igo ziren, astelehen gauean, AHT abiadura handiko trenaren aurkako zenbait ekintzaile. Bertan jarraitzen zuten atzo. Eta bertan jarraituko dutela berretsi dute: «Badaude arrazoiak AHTa gelditzeko, eta arrazoiak dauden bitartean, eta erresistentzia hau baliagarri den bitartean, hemen jarraituko dugu», azaldu diote BERRIAri.

Langileek, guardiek, ertzainek... lekua hustu dute. Ertzainen zaintzarekin, ostegun iluntzean bukatu zituzten lanak; bukatu, edo. Lau pinu zutik daude oraindik. AHTaren aurkako ekintzaileek hartu dituzten pagoetara lotuta daude pinu horiek, burdinazko kable gotorrekin. Ekintzaileak kableetan zintzilikatuko lirateke pinuak botatzen hasiz gero. Langileek, badaezpada ere, lana bukatu gabe utzi dute. Urkian mendi magala zulatu behar dute tunela egiteko (Itsasondo, Gipuzkoa). Horretarako bota dituzte pinuak, pista egiteko bidea garbitzeko.

Astelehen gauetik pagoen adaburuetan antolatu duten «erresistentzia gunearekin» pozik daude ekintzaileak, lanak trabatzea lortu baitute. Txandak egin dituzte pago gainetan, eta dagoeneko hemezortzi bat ekintzailek parte hartu dute desobedientzia ekintzan. Bi plataforma eta hamaka bat ezarri dituzte adaburuetan, hogei bat metroko garaieran. Pagoak burdinazko kableekin lotuta daude, eta haietara bi sokarekin heltzen da ekintzaile bakoitza. Lo egiteko, soka motzagoekin lotzen dira. Sostengu taldea ere badute. «Euskal Herri osoko jendea» joan da Urkiaren parean dagoen Berostegi auzoko magalera (Legorreta). Han jarri dute egoitza.

Ekintzak «AHTaren aurkakotasuna aktibatzeko» balioko duela espero du sostengu taldeko kide batek: «Ea desobedientzia ekintza gehiago sortzen diren honekin». Izenik ez dute eman nahi, ez sostengu taldeko kideek, ez pagoetara igota daudenek ere. Desobedientziarekin jarraitzeko asmoa dutela ohartarazi dute, ordea, eta herriz herri antzeko ekimenak sustatzera deitu dute. Herenegun Bilbon egindako protesta ekarri dute gogora. «Pagoak bai, porlana ez!», builaka, hamarnaka lagun batu ziren Construcciones Olabarria enpresaren aurrean. Uste dute hori dela galdera: pagoak ala porlana? Ingurumena ala azpiegitura erraldoiak?

Atzeratu egin dira eremu honetako AHTaren lanak, eta horretan eragina izan du Legorretako eta Itsasondoko udalen, herritarren eta lurjabeen jarrerak, sostengu taldeko kideen hitzetan. Hala ere, Eusko Jaurlaritzak eta Espainiako Gobernuak lanak bizkortzeko borondatea dutela sumatzen dute. Horregatik, «irregulartasunekin bada ere», lanei ekin diete Itsasondon, sostengu taldeko kideek diotenez. Desjabetze batzuen agiriak aurkeztu gabe, eta ordainketak egin gabe ere, pinuak botatzera sartu dira. Langileak «ero moduan» eta presaka aritu omen dira. Ez dute lan samurra izan, nolanahi ere. Sostengu taldeko kideek, asteartean eta asteazkenean, lanak gelditu zituzten, langileen artera sartuta. «Jarrera harroa» sumatu diete hiru langileei. Batek esan omen zuen, ekintzaileak pagoetara igota ikusi zituenean: «Horiek? Hankatik tira eta lurrera!». Egun bakarrean bukatzea espero omen zuten, baina hiru egun gehiago behar izan dituzte. Eta lau pinu zutik utzi.

Elkartasuna eta babesa ere jaso dute ekintzaileek egunotan. Gaur bertan manifestazioa antolatu du AHT Gelditu! Elkarlanak. Ordiziatik abiatuko da 17:00etan, Berostegiraino joateko.

Patxi Lopezi kalabazak eman dizkio AHT Gelditu! Elkarlanak

AHT Gelditu! Elkarlanak adierazi du Patxi Lopez Eusko Jaurlaritzako lehendakariak «iraileko ebaluazioan» oso emaitza kaskarrak lortu dituela, antzerkian izan ezik. Atzo parodia egin zuten AHTaren aurkariek Eusko Jaurlaritzaren Gasteizko egoitzaren aurrean, eta kalabazak eman zizkioten Lopezi. Ekonomia krisia, natur baliabideak, krisi energetikoa eta enplegua «irakasgaietan» 0 atera omen du; antzerkian, berriz, «bikain». Urriaren 24an asanblada egingo du Elkarlanak, AHTaren «zorakeria gelditzeko» zein urrats egin erabakitzeko.

Etiketa(k):

Erantzun

The content of this field is kept private and will not be shown publicly.
  • Baimendutako HTML markak: <p> <sup> <blockquote> <img> <h1> <h2> <h3> <a> <em> <strong> <cite> <code> <ul> <ol> <li> <dl> <dt> <dd> <br /> <object> <param> <embed> <i> <span>
  • Lineak eta paragrafoak automatikoki egiten dira.

Formatu aukerei buruz informazio gehiago

CAPTCHA
Galdera hau pertsona bat zarela egiaztatzeko da, eta automatikoki sartzen duten Spam-a gelditzeko
  _       _____    ____            ____  
| | | __ \ |___ \ |___ \
| |__ | |__) | __) | __ __ __) |
| '_ \ | _ / |__ < \ \ / / |__ <
| | | | | | \ \ ___) | \ V / ___) |
|_| |_| |_| \_\ |____/ \_/ |____/

Enter the code depicted in ASCII art style.