erantzun iruzkin honi

CADEk mobilizazioa azkartzea erabaki du

AHTren trenbide berria eraikitzea ez dela premiazkoa ondorioztatuz CITEC ikerketa bulegoak eratutako txostenean azaldutako argudioak ez dituzte aintzat hartu nahi egitasmo horren sustatzaileek, atzo CADEk salatu zuenez. Horren aurrean, azterlan hori jendartean zabaldu eta mobilizazioa azkartzeko garrantzia nabarmendu zuen. Bi fronteren arteko borrokan murgilduak direla esan zuen CADEko Victor Pachonek. Ondoko bi asteetan lau bilkura egingo dituzte.

Ainize BUTRON | BAIONA

CADE inguramenaren babeserako elkarteen kolektiboak agerraldia egin zuen atzo, trenbide berriaren egitasmoaren bultzatzaileek -RFF (burdinbideen kudeatzailea) eta Akitaniako Kontseilua-, asteotan egindako adierazpenen aurkako argudioak azaltzeko.

Victor Pachon kolektiboko arduradunak salatu zuen RFFk eta Akitaniako Kontseiluak «guztiz baztertuak» dituztela trenbide berria eraikitzeari buruz CITEC ikerketa bulegoak berriki kaleratutako txostenaren emaitzak. Izan ere, egungo burdinbideak tren kopurua emendatzea beregain har dezakeela ondorioztatzen du, besteak beste, azterlan horrek, hain zuzen ere, CADEk aldarrikatzen duena berretsiz.

«Trenbide berria eraikitzearen aldeko argudioak bertan behera utzi dituzte orain arte egindako azterketa guztiek, azken horrek bezala». Proiektu sustatzaileek, ordea, txostenok baliogabetzeko, egileek eskuduntzarik ez zutela argudiatzen zuten, Pachonek azaldu duenez.

Alta, RFFk eta Akitaniako Kontseiluak behin baino gehiagotan deitu izan diote CITEC erakundeari, azterketak bidera ditzan. Beraz, oraingoan ez lukete esan behar horrek eskuduntzarik ez duela. «Hala ere, emaitzak baztertu dituzte. Maudetek argi esan digu: ikerketa horiez trufatzen gara, dena erabakita dago, eta ez ditugu zuen argudioak ezta irakurri ere egingo», salatu zuen Pachonek.

Horrenbestez, trenbide berria eraikitzea beharrezkoa dela azpimarratzen duten azken argudioak zapuztu zituzten CADE kolektibo ordezkariek, egungo trenbideak tren kopuru handiagoa bere gain har dezakeela berretsiz. Bestalde, Akitania-Euskadi plataformak ere agerraldia egin zuen atzo, Baionako portuan. Bertan, Jean Louis Carrerek bide berria eraikitzearen garrantzia goraipatu zuen. Horiek horrela, Akitaniako Kontseiluak eta RFFk proiektuarekin aurrera jarraitzeko erabakia hartu dutenez, ondoko hileetan «bi fronteak bata bestearen aurka» arituko direla nabarmendu zuen Pachonek, eta herritar zein hautetsi guztiak «inoiz baino gehiago mobilizatzera» deitu zituen.

«RFFk dio CITEC egiturak azaldutako azterlana funtsik gabekoa dela. Txosten hori ere baztertua izan ez dadin, gure ardura da edukia ahal bezain zabalki ezagutaraztea», gehitu zuen Pachonek. Horretarako, ondoko asteetarako herriz herri hitzorduak finkatu dituzte. Urriaren 5etik 13ra, lau bilkura publiko egingo dituzte, besteak beste, Lehuntze, Uztaritze eta Hendaian. Urriaren 17an, berriz, Baionan egitekotan diren manifestaziora ere deitu zituzten herritarrak.

Pagoen gainean tinko

Ordizia eta Legorreta artean den Berostegi auzoan pagoen gainean jarraitzen dute hainbat lagunek astelehenetik. Hauekiko elkartasuna adierazteko asmoz, manifestazioa izango da gaur Ordiziako plazatik 17.00etan abiatuta. Atzo Bilboko Areatzan ere elkartasuna adierazi zieten.

AHT Gelditu! Elkarlana da «calabazas» a la gestión de de López

AHT Gelditu! Elkarlana evaluó el trabajo realizado por el lehendakari Patxi López durante el curso político pasado ante la sede del Gobierno de Lakua en Gasteiz. Para ello, mostraron un boletín de evaluaciones en el que, una a una, fueron describiendo las observaciones realizadas respecto a las asignaturas cursadas. Las calificaciones fueron de cero a excepción de la asignatura de «artes escénicas», en la que ha conseguido «un sobresaliente» dado que se ha convertido en «un perfecto actor para convencer a la sociedad de necesidades innecesarias». Tras la comparecencia, la Ertzaintza comunicó a los presentes que no poseían permiso y les ordenó identificarse. Aun así, los opositores entraron en la sede del Gobierno de Lakua para facilitar el boletín de evaluación a Patxi López. Pero la Ertzaintza no les permitió entregar las grandes calabazas que le tenían preparadas.Zuriñe ETXEBERRIA

Etiketa(k):

Erantzun

The content of this field is kept private and will not be shown publicly.
  • Baimendutako HTML markak: <p> <sup> <blockquote> <img> <h1> <h2> <h3> <a> <em> <strong> <cite> <code> <ul> <ol> <li> <dl> <dt> <dd> <br /> <object> <param> <embed> <i> <span>
  • Lineak eta paragrafoak automatikoki egiten dira.

Formatu aukerei buruz informazio gehiago

CAPTCHA
Galdera hau pertsona bat zarela egiaztatzeko da, eta automatikoki sartzen duten Spam-a gelditzeko
   ___    _  __  _______   _____    ______
/ _ \ | |/ / |__ __| | __ \ |___ /
| (_) | | ' / | | | |__) | / /
> _ < | < | | | _ / / /
| (_) | | . \ | | | | \ \ / /__
\___/ |_|\_\ |_| |_| \_\ /_____|

Enter the code depicted in ASCII art style.